Tərtərdə vətəndaşların müraciətləri diqqət mərkəzindədir

Tərtər Rayon İcra Hakimiyyətində həftə ərzində vətəndaşlar qəbul edilir, onların problemlərinin həlli istiqamətində əməli addımlar atılır. Qəbullarda Tərtər Rayon İcra Hakimiyyəti başçısının müavinləri və şöbə müdirləri iştirak edirlər.
Fərdi qaydada baş tutan qəbullarda səsləndirilən müraciətlərin bəziləri yerindəcə öz həllini tapır. Araşdırılması vacib olan məsələlərlə bağlı isə müvafiq qurumlara tapşırıqlar verilir. Keçirilən bütün qəbullarda Azərbaycan Respublikasının Prezidenti cənab İlham Əliyevin tapşırıq və tövsiyələrinə uyğun olaraq vətəndaş məmnunluğu təmin edilir.
Məlumat üçün bildiririk ki, Sənədlərlə və vətəndaşların müraciətləri ilə iş şöbəsinə yaxınlaşaraq, Tərtər Rayon İcra Hakimiyyəti başçısının, icra başçısının birinci müavininin, habelə Sosial-iqtisadi inkişafın təhlili və proqnozlaşdırılması, İctimai-siyasi və humanitar məsələlər, Hüquq, Memarlıq və tikinti,  Vətən müharibəsi iştirakçıları və şəhid ailələri ilə işin təşkili şöbələri üzrə qəbul günləri barədə məlumatı öyrənə, həmçinin Tərtər rayon icra hakimiyyətinə Rəqəmsal İcra Hakimiyyəti (https://rih.gov.az/) portalı vasitəsi ilə də müraciət edə bilərlər.

Tərtər rayonunda psixi sağlamlıq barədə təlim və maarifləndirmə kampaniyaları təşkil olunub

Avropa İttifaqının (Aİ) maliyyə dəstəyi ilə həyata keçirilən “Psixi Sağlamlıq Xidmətlərinin Münaqişədən Sonrakı Dövrdə Koordinasiyası və Transformasiyası” layihəsi çərçivəsində Ümumdünya Səhiyyə Təşkilatının (ÜST) Azərbaycandakı Ölkə Ofisi Tərtər Rayon İcra Hakimiyyəti və Tibbi Ərazi Bölmələrini İdarəetmə Birliyi (TƏBİB) ilə birgə avqustun 7-də Tərtər rayonunda yaşayan əhali arasında maarifləndirmə kampaniyası təşkil edib.
Kampaniyanın məqsədi əhalinin psixi sağlamlıq və psixososial dəstək ehtiyacları haqqında, habelə münaqişələrin bitməsindən sonra belə şəxslərin və icmaların psixi sağlamlığına və rifahına təsiri haqqında məlumatlılığı və bilikləri artırmaq və bu sahədə mövcud olan stiqmaları azaltmaqdır. Eyni zamanda TƏBİB psixoloqları tərəfindən məişət zorakılığı ilə mübarizənin gücləndirilməsi, gənclərin sağlam həyat tərzi (narkomaniya, tütün, alkoqol və digər psixoaktiv maddələrin mənfi təsiri, infeksion və qeyri-infeksion xəstəliklərin profilaktikası), həmçinin 18 yaşınadək əlilliyi müəyyən edilmiş, habelə sağlamlıq məhdudluğu olan uşaqların valideynlərinin təməl psixoloji bilik və bacarıqlarının artırılması mövzularında maarifləndirici söhbətlər aparılmışdır.
Həmçinin stress, depressiya, təşviş və post-travmatik stress pozuntusu kimi psixi sağlamlıq halları, eləcə də mübarizə mexanizmləri haqqında məlumat əldə etmək istəyən əhali üçün psixoloqlarla ödənişsiz görüşlər təşkil olunub.

Tərtər Rayon İcra Hakimiyyətində növbəti dəfə vətəndaş qəbulu keçirilib

Azərbaycan Respublikası Prezidentinin 1143 saylı Sərəncamı ilə təsdiq edilmiş “Azərbaycan Respublikasında qida təhlükəsizliyinin təmin edilməsinə dair 2019–2025-ci illər üçün Dövlət Proqramı”nın 10.2.6-cı bəndinin icrasının təmin etmək məqsədi ilə rayon ərazisində fəaliyyət göstərən heyvan kəsimi və ət satışı yerlərində Tərtər Rayon İcra Hakimiyyətinin, Qida Təhlükəsizliyi Agentliyinin Qarabağ Regional Bölməsinin Heyvan Sağlamlığı və Baytarlıq Nəzarəti sektorunun, rayon Polis şöbəsinin, Gigiyena və Epidemiologiya Mərkəzinin əməkdaşları tərəfindən reydlər keçirmişdir.
Reydlər zamanı qanunvericiliyin tələblərini pozan  heyvan kəsimi və ət satışı məntəqələrinin sahiblərinə xəbərdarlıq olunmuş, sahibkarlara fəaliyyətlərini qida təhlükəsizliyi sahəsində normativ hüquqi aktların tələblərinə uyğunlaşdırmaq və heyvan kəsimini mərkəzləşdirilmiş müasir kəsim məntəqələrində həyata keçirməklə bağlı göstərişlər verilmişdir.

Tərtərdə vətəndaşların müraciətləri diqqət mərkəzindədir

Tərtər Rayon İcra Hakimiyyətində mütamadi olaraq vətəndaşlar qəbul edilir, onların problemlərinin həlli istiqamətində əməli addımlar atılır.
Fərdi qaydada baş tutan qəbullarda səsləndirilən müraciətlərin bəziləri yerindəcə öz həllini tapır. Araşdırılması vacib olan məsələlərlə bağlı isə müvafiq qurumlara tapşırıqlar verilir. Keçirilən bütün qəbullarda Azərbaycan Respublikasının Prezidenti cənab İlham Əliyevin tapşırıq və tövsiyələrinə uyğun olaraq vətəndaş məmnunluğu təmin edilir.
Məlumat üçün bildiririk ki, Sənədlərlə və vətəndaşların müraciətləri ilə iş şöbəsinə yaxınlaşaraq, Tərtər Rayon İcra Hakimiyyəti başçısının, icra başçısının birinci müavininin, habelə Sosial-iqtisadi inkişafın təhlili və proqnozlaşdırılması, İctimai-siyasi və humanitar məsələlər, Hüquq, Memarlıq və tikinti,  Vətən müharibəsi iştirakçıları və şəhid ailələri ilə işin təşkili şöbələri üzrə qəbul günləri barədə məlumatı öyrənə, həmçinin Tərtər rayon icra hakimiyyətinə Rəqəmsal İcra Hakimiyyəti (https://rih.gov.az/) portalı vasitəsi ilə də müraciət edə bilərlər.