Deputat Səttar Möhbalıyev seçicilərlə görüşlərini davam etdirir -Fotolar
Milli Məclisin deputatı Səttar Möhbalıyev növbəti dəfə Naxçıvan Muxtar Respublikasının Kəngərli rayonunda vətəndaşlarla görüşüb.
aia.az xəbər verir ki, 29 aprel tarixində keçirilən görüş
Kəngərli rayon Yurdçu kəndində baş tutub.
Səttar Möhbalıyev görüş zamanı vətəndaşlar tərəfindən qaldırılan sosial yönümlü məsələləri və şəxsi müraciətləri qeydə alaraq onların həlli məqsədilə müvafiq addımların atılacağını bildirib.
Müraciətlərdən biri də kənddə mərasim evinin tikintisi ilə bağlı olub. Deputat mərasim evinin tikintisinə köməklik edib.
Səttar Möhbalıyevin aprelin 29-da Kəngərli rayonunda keçirdiyi qəbulda iştirak edən seçicilər görüşdən məmnunluqlarını ifadə edib, onlara və ümumilikdə Naxçıvanın inkişafına göstərilən diqqət və qayğıya görə Ölkə Prezidenti cənab İlham Əliyevə və Birinci vitse-prezident Mehriban xanım Əliyevaya səmimi minnətdarlıqlarını bildiriblər.
