Eltun Süleymanov: “Azərbaycan hakimiyyətinin gücü xalqın inamında və dəstəyindədir”

“Prezident İlham Əliyev oktyabrın 11-də MDB-yə üzv dövlətlərin təhlükəsizlik və xüsusi xidmət orqanları rəhbərləri Şurasının 53-cü iclasının iştirakçılarını qəbul edərək çıxış etmişdir.
Cənab Prezident tarixə ekskurs edərək Qarabağda erməniəsilli əhalinin məskunlaşma tarixindən və Dağlıq Qarabağ Muxtar vilayətinin yaradılması barədə məlumat vermiş, Ermənistan- Azərbaycan münaqişəsinin baş vermə səbəblərindən danışmışdır.
Ölkəmizin başçısı 2020-ci sentyabrın 27-də başlanan və 44 gün davam edən müharibədə Azərbaycanın qələbəsini şərtləndirən amillərdən söz açaraq müharibə nəticəsində Azərbaycanın öz ərazi bütövlüyünü təmin etməsindən bəhs etmişdir. Cənab prezident 9 noyabr 2020-ci il tarixli üçtərəfli Bəyanatın olmasına baxmayaraq Ermənistanın öz öhdəliyini yerinə yetirmədiyini, Bəyanatın əsas müddəalarından biri olan silahlı qüvvələrini Azərbaycanın ərazisindən çıxarmadığını və çıxarmaq istəmədiyini bildirmişdir. Lakin Azərbaycan dövlət olaraq bu cür vəziyyətə kifayət qədəər dözümlü yanaşsa da, getdikcə mina terrorunun artması, döyüşsüz şəraitdə mina qurbanlarının artması, üstəlik də qanunsuz xunta rejiminin yeni “seçki” keçirərək özünün qanunsuz əməllərini davam etdirməsi, necə deyərlər, səbr kasasını daşırmışdır. Bundan sonra antiterror əməliyyatına başlayan Azərbaycan erməni silahlı birləşmələrini ağır məğlubiyyətə uğradaraq tərksilah etmişdir.”

Bu sözləri aia.az-a verdiyi açıqlamada Nəsimi RİH-nin yanında İctimai Şuranın sədr müavini Eltun Süleymanov deyib.

Müsahibimiz qeyd edib ki, “Azərbaycan Respublikasının Prezidenti cənab İlham əliyev baş verən hadisələrin əsil səbəkarlarını və məğlub olmasına baxmayaraq ermənistanın yenə də hədə dili ilə danımasının arxasında duran qüvvələrin mövcudluğunu qeyd edərək bildirmişdir: ““Bir il əvvəl - ötən ilin oktyabr ayında Ermənistan və Azərbaycan rəhbərlərinin beynəlxalq tərəfdaşlarla görüşündə Bəyanat qəbul edildi. Bu sənədə əsasən hər iki ölkə bir-birinin ərazi bütövlüyünü tanıdıqlarını və ölkələrimizin ərazi bütövlüyünü təsdiqləyən 1991-ci il Alma-Ata bəyannaməsinin tərəfdarı olduqlarını bəyan etdilər. Biz bunu Ermənistan tərəfindən atılan mühüm addım hesab etdik, Azərbaycana qarşı ərazi iddialarından nəhayət əl çəkəcəyini zənn etdik. Lakin təəssüf ki, ümidlərimiz doğrulmadı. Azərbaycanın ərazi bütövlüyünü sözdə və kağız üzərində tanıyan Ermənistan rəhbərliyi əməldə hər şeyin əksini edirdi. Təxribat hərəkətlərinə son qoymaqla bağlı Azərbaycanın etdiyi çoxsaylı çağırışlar təəssüf ki, bütün ciddiliyi ilə qəbul edilmədi. Vəziyyət daha da gərginləşdi, çünki bu il sentyabrın 2-də Ermənistanın baş naziri qondarma “Dağlıq Qarabağ respublikasının” yaradılmasının ildönümü ilə bağlı təbrik məktubu göndərdi. Bu, qırmızı xətti keçmək demək idi və təbii ki, Azərbaycan buna dözə bilməzdi. Bu, bizim ərazimizə qarşı açıq-aşkar iddia irəli sürülməsi idi.”
Azərbaycan antiterror əməliyyatı keçirərkən mülki obyektlərə və dinc əhaliyə zərər vurulmaması üçün bütün tədbirləri görmüş və 24 saat ərzində qarşıya qoyulan vəzifə tam yerinə yetirilmişdir. "Azərbaycan həm işğal müddətində, həm İkinci Qarabağ müharibəsində, həm də antiterror tədbirləri zamanı bütün humanitar normalara riayət edib. Beynəlxalq ekspertlər bunun şahididirlər. Yeri gəlmişkən, bu yaxınlarda azad edilmiş ərazilərdə səfərdə olan BMT missiyası dünən və bundan təxminən bir həftə əvvəl artıq iki dəfə məhz bunu vurğulayıb ki, bütün humanitar normalara əməl olunub".. Lakin buna baxmayaraq yenə də Ermənistan rəhbərliyi sözdə və kağızda azərbaycanın ərazi bütövlüyünü tanıdığını bildirsə də, sülh sazişini imzalamaqdan yayınma yolunu tutmuşdur. Bunun səbəbi isə çox sadədir. Erməni xalqını maşa kimi istifadə edən böyük güclər, əsasən də Fransa hər vəchlə sülh prosesinə mane olmağa başlamışdır: "Burada əsas skripkanı çalan Fransadır və bu, həm sözügedən ölkənin rəsmi şəxslərinin bəyanatlarında, həm Azərbaycanın diskreditasiya edilməsi cəhdlərində, həm də Azərbaycana qarşı aparılan və hər şeyin alt-üst şəkildə təqdim edildiyi media kampaniyasında özünü büruzə verir. Azərbaycan işğalçı kimi təqdim edilir, Ermənistan isə qurban kimi qələmə verilir".

Eltun Süleymanov qeyd edib ki, “ölkəmizin başçısı bu və digər ermənipərəst qüvvələrə konkret və qətiyyətli cavab verərək Azərbaycanı haqq işindən döndərə bilməyəcəklərini bildirmişdir: “Fransadan danışanda, bu ölkənin rəhbərliyinin 2020-ci ilin bütün dövründən başlayan və indi də davam edən qeyri-konstruktiv və təxribatçı rolunu da qeyd etmək istərdim. Azərbaycanın ünvanına çoxsaylı ittihamlar, əsassız təhdidlər və şantaj heç bir səmərə vermədi. Fransa Prezidentinin bu yaxınlarda Azərbaycanın beynəlxalq hüquqla problemləri olduğuna dair verdiyi bəyanat yalnız gülüş doğura bilər. Çünki Azərbaycan beynəlxalq hüququ pozmayıb. Biz öz ərazimizdə döyüşmüşük, separatizmi aradan qaldırmışıq, bütün humanitar normalara, Cenevrə Konvensiyasına əməl etmişik. Beynəlxalq hüququ isə 30 il ərzində Fransanın əlaltısı, bu gün onun əsas müttəfiqi olan Ermənistan başqa dövlətin ərazisini işğal edərək pozub. Necə deyərlər, öz gözündə tiri görməyib başqasının gözündə tük axtarmaq lazım deyil. Fransız rejimi milyon yarım əlcəzairlini təkcə əlcəzairli və müsəlman olduğuna görə məhv edib. Bu, soyqırımıdır. Hələ Fransanın Afrikada, Afrikanın digər hissələrində və bütün dünyada qanlı cinayətlərini demirəm. Fransanın bu gün müstəmləkələr saxlaması da ağlasığmazdır. Azərbaycan və şəxsən mənim tərəfimdən bu məsələ Qoşulmama Hərəkatının sədri kimi dəfələrlə Qoşulmama Hərəkatının sammitlərində qaldırılıb və qanlı müstəmləkə keçmişi olan və hətta bu gün bəzi Afrika ölkələrinin nə qədər səy göstərsələr də, xilas ola bilmədikləri bu ölkə bizi beynəlxalq hüququ pozmaqda ittiham edir. Bu, absurddur.”
“Ən əsası budur ki, cənab Prezident qeyd etdiyi kimi qətiyyətli siyasi iradənin mövcud olması, sülh istəyi bizim mövqeyimizi müəyyən edir. Bu mövqedə qalmaqda və mübarizəni davam etdirməkdəyik. Biz normallaşma prosesinə yaxınıq və bu prosesin tezliklə bitməsi üçün çalışırıq, deyən ölkə başçısı ilk növbədə Azərbaycan xalqına, onun gücünə inanır və xalqla hakimiyyətin birliyi bu inamı daha da gücləndirir”-deyə müsahibimiz fikrini tamamlamışdır