QHT nümayəndələri İsmayıllı rayonunda "Qəhrəman anası" adlı tədbir keçirib

"Qayğıya ehtiyacı və Əlilliyi olan Şəxslərə Dəstək" İctimai Birliyin təşəbbüsü və İsmayıllı rayon İcra hakimiyyətinin təşkilatçılığı ilə  8 Mart Beynəlxalq Qadınlar bayramı gününə həsr olunmuş  "Qəhrəman anası" adlı tədbir keçirilib.
Aysu restoranında keçirilən tədbirdə İsmayıllı rayon icra hakimiyyətinin əməkdaşları Əlişir Süleymanov, Anar Alızadə , İsmayıl Faxtıyev, "Qayğıya ehtiyacı ehtiyacı və Əlilliyi olan Şəxslərə Dəstək" İctimai Birliyin sədri Yasəmən Qəyyumlu, İsmayıllı rayon üzrə nümayəndəlik sədri Kifayət Cəfərova, sədr müavini Günay Beybutova, Əlizamin Abdullayev, İsmayıllı rayon mədəniyyət işçiləri və media nümayəndələri iştirak ediblər.
Öncə Azərbaycanın bütövlüyü uğrunda canından keçmiş bütün şəhidlərimizin əziz xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib.
Çıxış edən hər kəs əsl Azərbaycan xanımına xas olan yüksək keyfiyyətləri özündə cəmləyən  şərəfli, ləyaqətli, əzəmətli və  qəhrəman oğullar yetişdirən şəhid analarını təbrik edib  və onlara ən xoş arzularını bildiriblər. İsmayıllı rayon mədəniyyət işçiləri öz ifaları ilə tədbir iştirakçılarına mənəvi dəstək göstəriblər.
Tədbirin sonunda  Şəhid analarına tər çiçəklər və hədiyyələr təqdim olunub, xatirə şəkili çəkilib.

Fərid Səfərov
Birliyin mətbuat katibi